Almatyda bazar ishinde ornalasqan dámhanada bolǵan jarylystan 8 adam zardap shekti - TJM
ASTANA. Aqpannyń 12-si. QazAqparat - Keshe, aqpannyń 11-i kúni keshqurym Almaty oblysy «Almaty-Bishkek» avtojolynyń 14-shi shaqyrymynda ornalasqan «Altyn orda» bazarynda gaz-aýa qospasy jarylyp,
onyń saldarynan 8 adam zardap shekti, dep habarlady QR TJM-nan.
Vedomstvo baspasóz qyzmetiniń málimetine sáıkes, tótenshe oqıǵa bazardyń ishinde ornalasqan «Dostar» dámhanasynda oryn aldy. Gaz-aýa qospasynyń jarylýynan bolǵan órt ǵımarattyń 40 sharshy metr aýmaǵyn sharpydy.
«Jarylys saldarynan 8 adam túrli dárejedegi kúıik jaraqattaryn alyp, aýrýhanaǵa jetkizildi. Tótenshe jaǵdaıdy joıýmen TJM Almaty oblysy boıynsha TJD-nyń jeke quramdaǵy 5 adamy men 1 tehnıkasy aınalysty», deıdi baspasóz qyzmetindegiler.
