Almatyda báısheshek gúldep jatyr
ALMATY. QazAqparat - Almaty mańy men taý bókterinde báısheshek gúldep jatyr. QazAqparat fototilshisi kóktem gúlin sýretke túsirdi.
Báısheshektiń latynsha ataýy «galantýs». Ol grektiń «gala» – sút jáne «antýs» – gúl degen sózinen shyqqan, ıaǵnı qazaqsha sút tamshysy degen maǵyna beredi. Báısheshektiń appaq qaýyzy shyn máninde de, qatyp qalǵan sút tamshysyna uqsaıdy.
Báısheshektiń kóktemde shyǵatynyna qaramastan, ol 10 gradýs aıazǵa da tóze alady. Oǵan mundaı aıazǵa tótep berýine negizi sabaǵyndaǵy juqa túkterden turatyn ózine tán qabyǵy kómektesedi.
Tabıǵatta báısheshektiń 18-20 túri bar. Qazaqstannyń qyzyl kitabyna engizilgen báısheshek, ony Alataý jaýqazyny dep te ataıdy.
Qazaqstan ulttyq entsıklopedııasynyń 2-shi tomyndaǵy málimetke sáıkes, báısheshek - qurtqashashtar tuqymdasyna jatatyn kóp jyldyq tamyr túınekti ósimdik. Qazaqstanda Іle, Jetisý (Jońǵar), Kúngeı Alataýlarynda, Ketpen jotasynda, Qarataýda ósedi.
Báısheshektiń Alataý báısheshegi jáne Korolkov báısheshegi degen túrleri bar. Bıiktigi - 10-30 sm. Tamyr túınekteri uzynsha nemese shar tárizdi domalaq bolady.
Shoǵyrlanyp bitken taspa japyraqtarynyń sany 6-9, uzyndyǵy - 10-12 sm.
Bul gúlderdi julýǵa bolmaıdy.
