Almatyda báısheshek gúldedi
ALMATY. QazAqparat – Búgin, kóktemniń alǵashqy kúninde Almatynyń botanıkalyq baǵynda báısheshek gúldedi, dep habarlaıdy QazAqparat tilshisi.
«Kóktemniń alǵashqy kúninde tabıǵat bizge tosyn syı jasap, botanıkalyq baqta báısheshek gúldedi. Aq búrshikteri bar názik ósimdiktiń paıda bolýyna baılanysty qys aıaqtaldy dep, senimdi túrde aıta alamyz. Sondaı-aq, ol jańa ómirge degen úmit pen sýyqty jeńýdiń sımvoly bolyp esepteledi», - delingen Botakanıkalyq baqtyń Іnstagram paraqshasynda.
«Sizden báısheshekke qamqorlyq jasaýyńyzdy ótinemiz: kógaldarda júrmeńiz, tipti julmańyz. Qyzyl kitapqa engizilgen ósimdik túrleriniń joıylýy aıyppul salýmen, tipti 3 jylǵa deıin bas bostandyǵynan aıyrýmen jazalanady», - dep jazdy Botanıkalyq baq ókilderi.
