Almatyda baılanys jelisi úzilgen 50 trolleıbýs toqtap qaldy
ALMATY. QazAqparat - Almatyda 50 trolleıbýstyń qozǵalysy baılanys jelisiniń úzilýi saldarynan toqtap qaldy, dep habarlaıdy «QazAqparat» HAA tilshisi "Green bus" JShS dırektory Baýyrjan Kýlıshevke silteme jasap.
Onyń sózinshe, qoǵamdyq kóliktegi aqaý Abaı dańǵylynyń Baıtursynov kóshesimen qıylysynda oryn alǵan. Alǵashqyda 20, keıinnen 30 trolleıbýs isten shyqqan. «Kóktaıǵaqtyń saldarynan trolleıbýs qozǵalystary yrǵaqty bolǵan joq, al olardyń jumysy elektrge tikeleı baılanysty ekeni belgili. Juqa muz qabyrshaqtary qursaýlaǵan baılanys jelileri tuıyqtalyp, isten shyqqan», - deıdi ol.
Ol aqaýdyń joıylyp, 16:43-te trolleıbýstardyń óz jumystaryn jalǵastyrǵanyn habarlady.
Budan buryn aıtyp ótkendeı, kóptegen almatylyqtar keshikken qoǵamdyq kólikterdi uzaq ýaqyt kútti. Keıbireýleri birqatar marshrýttardyń, ásirese 121, 32 baǵdardaǵy avtobýstardyń shyqpaǵandaryn málimdegen. Al "Green bus" JShS bolsa, barlyq avtobýstardyń jospar boıynsha jumys jasaǵandaryn atap ótti.
