Almatyda baılanys operatorlarynyń halyqaralyq konferentsııasy ótip jatyr
ALMATY. Qarashanyń 5-i. QazAqparat /Erlik Erjanuly/ - Almatyda baılanys operatorlarynyń ІІІ «Carrier Meerting» halyqaralyq konferentsııasy ótip jatyr,
dep habarlaıdy QazAqparat.
«Qazaqtelekom» AQ-y uıymdastyrǵan dástúrli bul shara qarashanyń 4-i kúni bastalǵan bolatyn. Úsh kúndik bul konferentsııa kezinde taıaý jáne alys shet elderden kelgen baılanys operatorlary tranzıttik múmkindiktermen jáne jańa servıske engizilgen IP MPLS jelisiniń jańa sáýleti men Gonkong qalasyndaǵy PoPe torabynyń ashylýymen tanysady.
«Qazaqtelekom» AQ-nyń basqarma tóraǵasy Asqar Jumaǵalıevtiń aıtýynsha, el aýmaǵy arqyly ótetin tranzıttiń kólemi bıyl ótken jylmen salystyrǵanda 9 ese ósken. Tranzıt múmkindikterin júzege asyrý jobasy boıynsha olar Qordaı ýchaskesinde ELKAT (Qyrǵyzstan), Oral-B.Chernıgovka ýchaskesinde «STsS Sovıntel», «Sıterra» (Reseı) kompanııalarymen túıisý uıymdastyrdy. Sondaı-aq Beıneý-Qońyrat bóliginde «Ózbektelekom» AQ-y jelisimen jańa túıisýdi jáne «Rostelekom» AAQ jelisimen túıisýdiń bireýin keńeıtýdi uıymdastyrý jónindegi jumysty bastady. Jalpy, qazirgi tańda «Qazaqtelekom» AQ-y álemniń 40-tan astam baılanys operatorymen qarym-qatynas jasaıdy.
