Almatyda báıge ótti
;ALMATY. Shildeniń 3-i. QazAqparat /Ádilet Musahaev/ - Búgin Almatydaǵy Alataý aýdanynyń qurylǵanyna eki jyl tolýyna oraı báıge ótti,
dep habarlaıdy QazAqparat.
Báıge utysyna 2 djıp avtokóligi men taǵy bir sheteldik markadaǵy kólik jáne aqshalaı syı tigilgen.
Sonymen ár oblystyń sáıgúlikteri qatysqan dúbirli «Alman» báıgede bas júldeni Oral oblysynan kelgen Serik Bekqaıyrovtyń Kógershin atty tulpary jeńip aldy. S. Bekqaıyrov at baptaý isimen 17 jyldan beri aınalysyp kele jatqandyǵyn jáne baptaǵan attary únemi osyndaı báıgelerden top jaryp, úzdik shyǵatyndyǵyn aıtady. Al ekinshi oryndy Alataý aýdanynyń, úshinshi júldeni Qyzyl ásker aýylynyń sáıgúligi jeńip aldy.
Al qunan jarysynda kómbege Qojaberdıev Baýyrjannyń Baltıka degen aty birinshi keldi.
