Almatyda Baýyrjan Momyshulynyń 100 jyldyǵyna arnalǵan kórme ashyldy
ALMATY. Qazannyń 19-y. QazAqparat /Názıra Eleýhan/ - Almatyda qala tarıhy murajaıynda qazaq halqynyń birtýar batyr uly, qaharman qolbasshy, jaýynger-jazýshy Baýyrjan Momyshulynyń týǵanyna 100 jyl tolýyna arnalǵan "Rýhyńa bolashaq bas ıetin, umytylmas erligiń qasıetiń" atty kórme ashylyp, kezdesý ótti.
Kórmege Baýyrjan Momyshuly jaıly jazylǵan kitaptar, batyrdyń foto sýretteri men qoldanǵan zattary qoıylǵan.
Júzdesýge M. Dýlatov atyndaǵy №136-ynshy jáne №17-inshi mektep ınternatynyń oqýshylar qatysty. Olar batyr atalary jaıynda óleńder oqyp, ánder shyrqady. Atalmysh sharaǵa arnaıy qatysqan jaýynger jazýshy Ázilhan Nurshaıyqov, "Baýyrjantaný" ǵylymı-zertteý ortalyǵynyń dırektory Mekemtas Myrzahmetuly, batyrdyń kelini Zeınep Ahmetova uly tulǵa jaıynda óz pikirlerin aıtyp, táýelsizdigimizdi baıandy etip, memleketimizdi nyǵaıtýdaǵy batyr murasynyń taǵylymy erekshe mol ekendigin jetkizdi jáne jas urpaqty Baýyrjandaı kesek tulǵadan úlgi alýǵa shaqyrdy.
"Halqymyzdyń arǵy-bergi tarıhynda el bastaǵan kósem, sóz bastaǵan sheshen, qol bastaǵan batyrlar az bolǵan joq. Biraq solardyń biregeıi Baýyrjan Momyshuly - óshpes erligimen, azamattyq dara qalpymen, ultjandylyǵymen, namystylyǵymen halqymyzdyń oryndy maqtanyshyna aınalǵan uly tulǵa. Ondaı adam búginde eshqaıda joq, ol qaıtalbas tulǵa. Qasıeti qymbat, symbaty sırek, júz jylda bir ret keletin qaısar tulǵa retinde Baýyrjan halqymyzdyń júreginde máńgi saqtalady", - dedi jazýshy Ázilhan Nurshaıyqov.
Kezdesý barysynda sonymen qatar ol. "Men Baýyrjandy alǵash ret 1943 jyly "Znamıa" dep atalatyn №5-inshi jýrnaldan oqyp bildim" - dedi. "Soǵys sońyna deıin ózimdi Baýyrjandaı ustap, soǵan uqsap baqtym. Al ol kisimen men 1958 jyly Máskeýde aqyn-jazýshylardyń jıynynda tanystym. Odan keıin Qazaqstanda «Jalyn» jýrnalynda júrgenimde Baýyrjan Momyshulynyń 60 jyldyǵyna oraı 6 bettik maqala jazýdy tapsyryp, men batyr tulǵamen ekinshi ret kezdestim. Ol kisimen áńgimelesip 160 bettik maqala jazyp shyqtym. Bir nómirge syımaǵandyqtan, ol kezdegi "Juldyz" jýrnalyna ekige bólip basyp shyǵardy. Osylaısha meniń "Istınnaıa legenda" dep atalatyn romanym dúnıege keldi", - dedi oqýshylarǵa Baýyrjan Momyshuly men alǵash tanystyǵyn baıandaǵan jazýshy Ázilhan Nurshaıyqov.
Shara sońynda Batyrdyń kelini Zeınep Ahmetova murajaıǵa Baýyrjan Momyshulynyń qoly tıgen dombyra men qol máshińkeni, sonymen qatar kópshilik kórmegen foto sýretterdi, uly Baqytjannyń ákesi týraly jazylǵan kitaptardy tabys etip: "Bul kórme jastardyń úlgi-ónege alatuǵyn ortaǵa aınalsyn dep tileımin! Elimizdiń balalaryn, erteńgi eldiń esi bolatyn jas urpaqty atalaryńnyń arýaǵy qorǵap, qoldap, batyr uldar dúnıege kele bersin dep tileımin", dep batasyn berdi.
Kezdesý barysynda "Qazaqtyń Baýyrjany" atty derekti fılm men "Almaty soǵys jyldarynda" atty kórme usynyldy.
