Almatyda «Baýyrjan Momyshuly oqýlary» ótedi
ALMATY. 9 qarasha. QazAqparat /Erbol Turymbetov/ - Erteń Almatydaǵy Qazaqstan Jazýshylar odaǵy úıinde ótetin sharaǵa Baýyrjan Momyshulynyń otbasy músheleri, onyń kózin kórgen qyzmettes jandar, óner qaıratkerleri, qoǵamdyq uıymdardyń jetekshileri, ádebıet súıer qaýym men stýdent jastar jáne mektep oqýshylary qatysady.
Atalmysh mádenı shara bıyl týǵanyna 100 tolyp otyrǵan Halyq qaharmanynyń erlik isterin kópshilikke nasıhattaýǵa arnalyp otyr.
Ekinshi dúnıejúzilik soǵystyń dańqty jaýyngeri, Halyq qaharmany, qazaqtyń kórnekti jazýshysy Baýyrjan Momyshuly (1910-1982) Jambyl oblysynyń Jýaly aýdanyndaǵy Kólbastaý mekeniniń túlegi.
Ol 1941 jyly Uly Otan soǵysy bastalysymen dańqty general-maıor I. Panfılovtyń basshylyǵymen Almaty mańynda jańadan jasaqtalǵan 316-ynshy atqyshtar dıvızııasynyń quramynda maıdanǵa attandy. Onda batalon, polk komandıri qyzmetterin atqarady. Soǵystyń sońǵy jyldarynda gvardııalyq dıvızııany basqardy.
