Almatyda Baým toǵaıynan qarý jasyrylǵan oryn tabyldy
«Bizdiń mekemeniń jedel bóliminiń qyzmetkerleri Almaty qalalyq polıtsııa departamentiniń krımınaldyq polıtsııa basqarmasyndaǵy áriptesterimen birlesip jedel-izdestirý is-sharalaryn júrgizdi. Shara barysynda Baým toǵaıynan, Ýspenskıı kóshesinen 200 metr qashyqtyqta, ońtústik baǵytta, aǵash janynan túrli oq-dáriler saqtalǵan oryn tabyldy. Atalǵan derek Túrksib aýdandyq polıtsııa basqarmasynda tirkeldi. Tergeý júrip jatyr», – dedi Almaty qalasy boıynsha QAJD LA-155/13 mekemesi basshysynyń orynbasary Shákir ıÝnýsov.
Belgili bolǵandaı, jasyryn jerde jappaı tártipsizdikke qatysqan búlikshiler eki myltyq, revolver, pyshaq, Kalashnıkov avtomatynyń patrondaryn, Makarov tapanshasyn, granatalardy, oq ótpeıtin jılet pen polıtsııanyń jeıdesin jasyrǵan. Tabylǵan zattardyń kimge shynaıy tıesili ekeni qosymsha tergeý barysynda anyqtalatyn bolady.
