Almatyda Batyrhan Shúkenovtyń qatysýymen «Oqytýshy» atty avantıýralyq komedııanyń túsirilimi aıaqtaldy - BAQ
ASTANA. 19 maýsym. QazAqparat - Almatyda latvııalyq jáne lıtvalyq rejısserler Vıktor Vılks pen Slavomır Leontevtiń jastar aýdıtorııasyna arnalǵan «Oqytýshy» atty avantıýralyq komedııasynyń túsirilimi aıaqtaldy.
Bul týraly búgin «Ekspress K» gazetindegi «Fakýltet lıýbovnyh otnoshenıı» (avtory - Olga Hrabryh) atty maqalada jazyldy.
Basty róldi Batyrhan Shúkenov somdady. Ol buǵan deıin mundaı usynystardan bas tartqan bolatyn. Jobanyń bastamashylary kóremenderge kıno qyzyqty ári kútpegen tosyn jaǵdaılarǵa toly bolady dep ýáde berýde.
Komedııa adamnyń mahabbat sezimi ıtermeleıtin qyzyqty jáıtter jaıly baıanadaıdy. Fılmniń jelisi boıynsha jigit sulý qyzǵa ǵashyq bolady, oǵan unaý úshin qyz oqıtyn ýnıversıtetke oqytýshy bolyp jumysqa ornalasady. Biraz ýaqyt ótkennen keıin bilim berý júıesine ózgeshe kózqaraspen tanymal bolǵan jas oqytýshy fakýltettiń juldyzyne aınalady. Onyń jolynda árkez tosyn jaǵdaı kútip turǵanymen, qutylýdyń amalyn tapqan oqytýshy bul joly tutylýdyń amalyn tappaıtyn syńaıly...
Kıno prodıýseri Sıno Alızoda atalmysh komedııany túsirý úshin Gollıvýdtyń tanymal rejısseri Stıven Spılbegtiń «Ustaı alsań, ustap kór» atty týyndysynan shabyt alǵandyǵyn aıtady. Fılmge kásibı emes ártister túsken.
«Oqytýshy» atty stýdenttik komedııa osy jyldyń qarasha aıynda kórermendermen qaýyshady dep josparlanýda.
