Almatyda batýttaǵy gımnastıkadan Qazaqstan chempıonaty bastaldy
ALMATY. QazAqparat - Almatyda batýttaǵy gımnastıkadan jasóspirimder men jastar arasynda QR chempıonaty bastaldy, dep habarlaıdy QazAqparat tilshisi.
Jarys «№9 Olımpıadalyq rezervtegi mamandandyrylǵan balalar-jasóspirimder mektebi» bazasynda ótýde. Oǵan Nur-Sultan, Almaty, Pavlodar, Shymkent, Petropavl, Óskemen, Taraz, Oral, Qaraǵandy qalalarynan 205 sportshy qatysady.
«Búgin jarystyń myqtylary irikteldi. Erteń saǵat 09:00-de fınal bastalady. Jarys aldynda sportshylardyń barlyǵy PTsR test tapsyrǵan. Chempıonat kórermensiz, karantın talaptaryna saı ótkizilýde»,-dep atap ótti uıymdastyrýshylar.
Sporttyq doda úsh kúnge sozylyp, 18 naýryzda aıaqtalady. Jeńimpazdar arnaıy gramota, medaldarmen marapattalady.
