Almatyda basyna oq tıgen er adamnyń jaǵdaıy aýyr

ALMATY. QazAqparat - Ortalyq qalalyq klınıkalyq aýrýhananyń neırohırýrgtary basyna oq tıgen adamǵa kúrdeli operatsııa jasady. Naýqastyń jaǵdaıy aýyr, dep habarlaıdy QazAqparat tilshisi.

«Naýqas ortalyq qalalyq klınıkalyq aýrýhanaǵa bas mıynyń ashyq jaraqatymen tústi. Dárigerler oǵan shuǵyl túrde operatsııa jasady. Qazir naýqastyń jaǵdaıy aýyr turaqty dep baǵalanyp otyr», - dep jaýap berdi Almaty qalalyq Qoǵamdyq densaýlyq saqtaý basqarmasynan.

Buǵan deıin Almatyda 39 jastaǵy er adam eki tanysyna travmatıkalyq tapanshadan oq atqany týraly jazǵan edik. Atalǵan fakt QR Qylmystyq kodeksiniń 293-baby 3-bóligi boıynsha sotqa deıingi tergep-tekserýdiń biryńǵaı tizilimine tirkeldi.

1983 jyly týǵan Ý. esimdi kúdikti ustalyp, qamaýǵa alyndy. Belgili bolǵanyndaı, Medeý aýdanyna qarasty shaǵyn aýdandardyń birinde turatyn úsh er adamnyń arasynda janjal týyndaǵan. 39 jastaǵy turǵyn travmatıkalyq tapanshadan 1973 jyly týǵan B. jáne 1973 jyly týǵan G. esimde eki adamǵa oq atty.