Almatyda bastaýysh synyp oqýshylarynyń ata-anasy tegin tamaq úshin qujat jınamaıdy

ALMATY. QazAqparat - Áleýmettik jeliler men messendjerlerde Almaty mektepterinde balalardy tegin tamaqtandyrý úshin bastaýysh synyp ata-analary birqatar qujat jınaýy kerek degen aqparat tarap jatyr, dep habarlaıdy QazAqparat tilshisi.

Tegin tamaqqa qatysty tarap jatqan aqparatta ata-anadan mektep dırektorynyń atyna ótinish, balanyń týý týraly kýáliginiń kóshirmesi, ata-anasynyń neke týraly kýáligi, ata-anasynyń jumys ornynan anyqtama (sońǵy 6 jyldaǵy tabysy) talap etiletini aıtylǵan. Eger jalǵyz basty ana bolsa, HQO-dan anyqtama kerek. Jalpy 15 túrli qujat.

Qalalyq bilim basqarmasy 2022 jyldyń 1 qyrkúıeginen bastap memlekettik mektepterdiń 1-4 synyp oqýshylarynyń barlyǵy áleýmettik jaǵdaıyna qaramastan tegin ystyq tamaqpen qamtamasyz etiletinin, bul úshin eshqandaı qujat talap etilmeıtinin atap ótti.

«QR Úkimetiniń 2008 jylǵy 25 qańtardaǵy qaýlysyna sáıkes halyqtyń áleýmettik osal toptaryna jatatyn 5-11 synyp oqýshylary tegin tamaqtanatyn bolady», - dep habarlady basqarmadan.

Sondaı-aq, bilim basqarmasy áleýmettik jeliler men messendjerlerde tarap jatqan aqparattyń shyndyqqa janaspaıtyn aıtty.