Almatyda «Bastaý bıznes» jobasynyń 1334 túlegi jeke kásibin ashty
Qalalyq ákimdiktiń málimetinshe, Almatyda pandemııaǵa qaramastan halyqty jumyspen qamtý boıynsha keshendi sharalar qabyldanyp iske asyp jatyr. Osy maqsatta Jumyspen qamtý ortalyǵy belsendi jumys atqarýda, memlekettik jáne salalyq baǵdarlamalar júzege asty. Qalalyq Kásipkerler palatasy jelisi boıynsha jeke jumys júrgizilýde, onyń ishinde qala turǵyndaryn bıznes júrgizý daǵdylaryna úıretýge baǵyttalǵan «Bastaý Bıznes» jobasy da bar.
«2020 jyly Almaty qalasyna 1 705 grant bólindi, onyń ishinde 818 grantty 2019 jylǵy «Bastaý Bıznes» túlekteri aldy. 2020 jyly osy joba boıynsha 687 qatysýshy grant aldy, Baǵdarlamanyń birinshi baǵyty sheńberinde qysqa merzimdi kásiptik oqýdan ótken qatysýshylar 200 grant aldy. Aǵymdaǵy jyldyń naýryz-qyrkúıek aılary aralyǵynda «Bastaý Bıznes» jobasy aıasynda Almatyda 2 600 adam oqýdy aıaqtady, 2 128 tyńdaýshy oqýdy aıaqtaý týraly sertıfıkat aldy, 472 tyńdaýshy qatysqany týraly sertıfıkat aldy»,– dep habarlady ákimdikten.
Bıyl «Bastaý bıznes» jobasynyń 1 334 túlegi óz kásipbin ashty.
Jeke kásipker, «Bastaý bıznes» jobasynyń túlegi Jıenǵalı Jumaǵulov memlekettik baǵdarlamalar aıasynda kórsetiletin qoldaý sharalarynyń arqasynda eki aılyq oqýdan keıin qoǵamdyq tamaqtaný salasynda óz isin qalaı ashqanyn aıtyp berdi.
«Memleket tarypanan jastarǵa kórsetiletin kómek týraly ınternetten bildim. Oqytý barysynda bıznes-trenerler negizgi oqýdan basqa, bizge jan-jaqty kómek kórsetti. Olar bizge ár kezeńde, bıznesti ashqanǵa deıin qoldaý kórsetip júrdi. Qarjylandyrýdy alǵannan keıin, birden iske kiristim, qural-jabdyqty satyp alyp, jumysty bastadym. Bizdiń dámhanamyzda túrli taǵam túrleri bar, tapsyryspen jetkizip te beremiz. Bul salada básekelestik joǵary, biraq bizdiń baǵalarymyz qoljetimdi jáne turǵyndar arasynda suranys ta joǵary», - dedi ol.
Kásipker memleket tarapynan shaǵyn bıznesti salyqtan bosatý sııaqty sharalar shaǵyn bızneske aıtarlyqtaı qoldaý kórsetetinin atap ótti.
«Bastapqy ashylǵan kezde, árıne, qıyn boldy. Klıentter biz týraly áli bilmeıtin, onymen qosa, ózim eki jumysta istep júrdim jáne túsken qarjyny óz bıznesime saldym. Búgin men ekinshi núkteni ashyp otyrmyn. Óz bıznesin bastaǵandardyń bárine aıtarym, qorqýdyń qajeti joq. Sondaı - aq, kórsetken qoldaýy úshin memleketke alǵysymdy bildirgim keledi», - dedi J.Jumaǵulov.