Almatyda baspanasyz júrgen 18 adam esepke alyndy
ALMATY. Tamyzdyń 5-i. QazAqparat /Erbol Turymbetov/ - Almaty qalalyq ІІD Medeý aýdanyndaǵy Báribaev pen Jibek joly kósheleri qıylysyndaǵy qıraǵan eski monshany panalap júrgen 18 adamdy esepke aldy,
dep habarlaıdy QazAqparat ІІD-niń baspasóz qyzmetine silteme jasap.
Olardyń basym bóligi balalar úıiniń tárbıesinen shyqqandar bolyp otyr. Baspanasy joqtardyń bir bóligi ózderi qoldan jasaǵan shatyrdy panalasa, endi bireýleri qıraǵan monshanyń ishine ornalasyp alǵan.
«Bundaı qıraǵan nysandardyń ishinde turý adamdarǵa úlken qaýip týǵyzatyny belgili. Sebebi, kez kelgen ýaqytta úıindiniń astynda qalýy múmkin. Sonymen birge, olardyń qoǵamdyq tártipti óreskel buzyp jatqandyǵy anyqtalyp otyr. Osy jerge jaqyn ornalasqan turǵyndardyń aıtýynsha, bul baspanasyz júrgender kúni-túni shýlap, maza bermeıtin kórinedi. Onyń ústine, spırttik ishimdikter iship, aınalanyń bárin qoqysqa toltyryp jibergen. Aýmaqtyq ınspektorlar bul jerge birneshe ret kelip, sol azamattardyń qujattaryn tekserdi. Olardyń barlyǵynda derlik osy qalada tirkeýde turtyndyǵyn rastaıtyn qjattary bar bolyp shyqty. Degenmen, olardyń jeke basyn kýálandyratyn qujattary joq», deıdi Medeý aýdandyq ІІD-niń bastyǵy podpolkovnık Baqyt Qasabekov.
Baspanasyzdar polıtsııa bólimshesine jetkizilip, profılaktıkalyq esepke qoıyldy. Qazir olardyń qylmystyq ister jasaǵany jáne buryn da esepke tirkelgen-tirkelmegendigi tekserilýde. Sonymen qatar, quqyq qorǵaýshylar «Tártip saqtaý» sharasy aıasynda shyrqy buzylǵan otbasylardy da qadaǵalaýǵa alǵandaryn málimdedi.
