Almatyda baspanasyn zańsyz keńeıtpek bolǵan turǵyn anyqtaldy
ALMATY. KAZINFORM – Almatylyq turǵyn merdiger kompanııanyń kómegimen baspanasyn keńeıtpek bolǵan, dep habarlaıdy QazAqparat tilshisi.
Almaty qalasynyń qala qurylysyn baqylaý basqarmasynyń málimetinshe, turǵyn úı kesheni turǵyndarynyń ótinishterin qaraý kezinde 273 páterdiń ıesi jobalaý-smetalyq qujatsyz, ruqsatsyz terassasynyń ústine taǵy eki qabat qosý úshin montajdaý jumystaryn júrgizgen.
«Basqarmanyń sheshimi boıynsha menshik ıesine qatysty sharalar qabyldady. Qazaqstan Respýblıkasy Ákimshilik Kodeksiniń 316 babynyń 321, 463 tarmaǵy boıynsha 273 páterdiń terassasynda ornalasqan metall konstrýktsııalaryn alyp tastaý týraly sotqa aryz tústi. Qazirgi ýaqytta 273 páterdiń terassasyndaǵy qondyrǵyny menshik ıesi ózi bólshektep alyp jatyr», - dep habarlady basqarmanyń baspasóz qyzmeti.
