Almatyda baspanaǵa kezekte turǵandarǵa arnalǵan operatsııalyq zal ashylady

ALMATY. QazAqparat - Almatyda "Nur Otan" partııasysynyń fılıalynda ótken baspasóz máslıhaty barysynda jergilikti ákimdikte kezekte turǵan áleýmettik toptarǵa arnalǵan operatsııalyq zaldyń ashylatyndyǵy málim boldy, dep habarlaıdy QazAqparat tilshisi.

Bul týraly Qalalyq Turǵyn úı jáne turǵyn úı ınspektsııasy basqarmasynyń basshysy Ánýar Óskenbaev aıtty.

«Áleýmettik baspanaǵa kezekke turýdy elektrondy formatqa kóshirgeli beri turǵyndar arasynda saýaldar kóp týyndap jatyr. Sondyqtan, olardyń suraqtaryna jaýap berý úshin Almatyda aıdyń sońynda operatsııalyq zal ashylady. Onda Turǵyn úı basqarmasynyń mamandar keńes beretin bolady. Óz-ózine qyzmet kórsetý oryndary da ashylady», - dedi Ánýar Óskenbaev.

Onyń aıtýynsha, jyl basynan beri Almatyda 812 páter tapsyrylǵan. Jyl sońyna deıin taǵy 1500 páter paıdalanýǵa berilmek.

Almatyda negizinen áleýmettik baspana 13 sanat boıynsha sáıkes keletin adamdarǵa beriledi.

Basty shart - adamnyń basynda baspana bolmaýy, sondaı-aq 3 jyldaı turǵylyqty mekenjaıy Almatyda tirkelgen bolýy shart.

«Búginde Almatyda áleýmettik turǵyn úı kezeginde 22 myńnan asa adam tur. Olardyń qatarynda UOS ardagerleri, memlekettik qyzmetkerler, bıýdjettik uıym qyzmetkerleri, jetim balalar, kóp balaly analar, múmkindigi shekteýli azamattar bar», - dedi Á.Óskenbaev.

Onyń aıtýynsha, Egov elektrondy úkimet portalyna kóshkeli beri kezektiń jyljýyna adamı faktor yqpal etpeıtin bolǵan.