Almatyda basketboldan erler komandalary arasynda Qazaqstan kýbogy úshin jarys ótedi
ALMATY. 19 naýryz. QazAqparat -Almatyda 19-24 naýryz kúnderi tuńǵysh ret basketboldan erler komandalary arasynda Qazaqstan kýbogy úshin báseke uıymdastyrylady.
«Dostyq» sport kesheninde ótetin bul saıysqa 5 komanda qatysady. Saıys búgin keshke «Almaty» men «Tıgry-KATÝ» (Astana) arasyndaǵy oıynmen bastalady. Erteń «Tıgry-KATÝ» men «Tobyl» (Qostanaı), «Barystar» (Atyraý), men «Astana» ózara kúsh synasady. Al jupsyz qalǵan jarys qojaıyndary 21-naýryzda qostanaılyqtarmen, 22-naýryzda atyraýlyqtarmen, 23-naýryzda «astanalyqtarmen» baq talastyrady.
