Almatyda basqarýdyń biryńǵaı júıesi iske qosylady
Otyrys barysynda B. Saǵyntaev komıtet tóraǵasy Raıymbek Batalov tanystyrǵan «Basqarýdyń biryńǵaı júıesi» jobasyn iske asyrý jónindegi ádisterdi maquldady. Bul tolyq avtomattandyrylǵan aqparattyq-kommýnıkatsııalyq júıe, halyq pen bıznestiń atqarý organdarymen is-qımylyn retteýge baǵyttalǵan.
«Basqarýdyń biryńǵaı júıesi» neden quralǵan?
Interaktıvti kommýnıkatsııa. Azamattar men bıznestiń ótinimderi túrli arnalar arqyly (áleýmettik jeliler, saıttar, telefon, hattar, jeke ótinim) málimetterdiń biryńǵaı bazasynda jınaqtalady, oryndaýshylarǵa bólinedi, máseleler sheshilgen soń keri baılanys retinde ótinimniń nátıjesi kórsetiledi.
Mundaı ádis oryndaýshylardyń bir-birin qaıtalaýyn joıýǵa kómektesedi jáne ótinishke nemquraı qaramaýǵa múmkindik beredi. Júıeniń aldyńǵy aqparattyq júıesi atqarýshy bılik qurylymdarynyń jumysyn qoǵamdyq baqylaýǵa yqpal etedi.
Modernızatsııa. ShOB 2.0. bıznestiń qajettiligine tereń saraptama jasaý jáne problemalardy sheshýdiń joldaryn bıznestiń belsendi qatysýymen izdeý.
Basqarýdyń biryńǵaı júıesiniń mańyzdy bóligi – ShOB-tiń aǵymdaǵy jaǵdaıyna saraptama jasaý, kásipkerlerdiń qajettiligin anyqtaý, áleýettik salalarǵa qoldaý kórsetý úshin ákimdikke usynys berý jáne ósim núktelerin anyqtaý. Júıeli ádis qala kásipkerliginiń ınteraktıvti kartasyn qurýǵa, salalaryn «draıverlerin» anyqtaýǵa, tereń saraptama jasaýǵa, aýdan ákimderiniń bıznesti qoldaý úshin KPI qoıýǵa yqpal etedi.
Joba aıasynda kásipkerlerdi avtomattandyrý men basqarýdyń zamanaýı tsıfrly tetikterin paıdalanýǵa úıretetin joba iske qosylady.
Basqarýdyń biryńǵaı júıesin engizý qalalyqtarǵa ne beredi:
- Turǵyndarǵa jáne bızneske qyzmet kórsetýdiń ashyq úderisi.
- Málimetterdi bir júıege jınaý turǵyndar men kásipkerlerdiń naqty qajettilikterin taldaýǵa, qala qyzmetteriniń tıimdiligin baǵalaýǵa múmkindik beredi.
- Ońtaılandyrý jáne biryńǵaı júıeni engizý arqyly ákimdiktiń ishki protsesterin jedeldetedi jáne tıimdiligin arttyrady.
- Merdigerlerdiń, vedomstvolyq uıymdardyń jáne basqalardyń úderisterin josparlaýǵa jáne resýrstardy bólýge jol ashady.
- Turǵyndar men bıznestiń senimi artady.
- Bıznes turaqtanyp, taýar aınalymy men jaldamaly qyzmetkerler legalızatsııalanady.
«Basqarýdyń biryńǵaı júıesin» iske qosý 2021 jyldyń mamyryna josparlanǵan.
Budan ózge, iskerlik keńes komıtetiniń otyrysynda bıznesti memqoldaý sharalary boıynsha pılotty joba qaraldy. Bul aqparattyq joba, onyń aıasynda memlekettik qoldaý sharalary týraly málimetter bir terezede jınaqtalady, bul qala kásipkerleriniń qoljetimdiligin arttyrady. Servıstiń jumysy mynadaı:
1. kásipker msb.kz saıtynda kompanııanyń BIN-in nemese JIN-di kórsetedi, eger jeke kásipker bolsa;
2. servıs málimetterdi tekseredi jáne kásipker qatysa alatyn qoldaý baǵdarlamalaryn kórsetedi;
3. kásipker ózi qalaǵan baǵdarlamany tańdaıdy jáne tikeleı msb.kz saıtynda keńes alýǵa qatysý úshin ótinishin jiberedi;
4. kásipkermen tańdalǵan baǵdarlamanyń ákimgeri (admınstrator) nemese nesıe berýshi (kredıtor) baılanysqa shyǵady jáne oǵan tirkelýge kómektesedi.
Joba ázirge tek Almaty qalasynyń kásipkerleri úshin jumys isteıdi jáne qoldaýdyń 14 baǵdarlamasyn qamtıdy.
Ótinishterdi jiberýge 3 mınýt qana ketedi. Memlekettik qoldaý sharalaryn tańdaý servısi Almatyda pılottyq rejımde msb.kz saıtynda iske qosylady. Pılottyq rejımde alǵashqy 1000 kásipker memlekettik qoldaý sharalaryna júgine alady.
