Almatyda Bas prokýratýranyń shotynan aqsha urlaǵan hakerler sottalyp jatyr
ALMATY. QazAqparat - Almatyda Bas prokýratýranyń shotynan aqsha urlaǵan hakerler sottalyp jatyr, dep habarlaıdy QazAqparat tilshisi.
Almaty qalalyq sotynyń baspasóz qyzmeti habarlaǵandaı, jaqynda ǵana sottalǵan hakerlerdiń ústinen taǵy bir óndiristik is qozǵaldy.
Іs materıaldaryna sáıkes, Baýyrjan Dastarov, Almas Omarov pen Nııaz Raqymov uıymdasqan qylmystyq top quryp, QR Bas prokýratýrasynyń, Salyq komıtetiniń, QR Qarjy mınıstrliginiń Memlekettik kirister komıtetiniń shotyndaǵy qarjyny jymqyryp kelgen.
Baýyrjan Dostarov pen Almas Omarovqa QR QK 188-babynyń 4-bólimi, QR QK 208-babynyń 3-bólimi, 210-babynyń 3-bólimi, QR QK 262-babynyń 1-bólimimen qarastyrylǵan qylmys jasady dep aıyptalyp otyr.
Úshinshi kúdikti Nııaz Raqymov ta atalǵan baptarmen qosa uıymdasqan qylmystyq top ashqany úshin sottalmaq.
Qylmystyq is 6 tomnan turady. Іsti Almaly aýdandyq sotynyń sýdıasy Irına Pýtılova qarap jatyr.
Kelesi sot otyrysy 8 qańtarǵa belgilengen.
Aıa ketý kerek, bul hakerlerdiń isi boıynsha sot úkimi 24 jeltoqsanda shyqqan bolatyn.
Dostarov pen Omarovty sot 7,5 jylǵa, Raqymovty 5,5 jylǵa bas bostandyǵynan aıyrdy. Al olardyń 13 áriptesi úsh jarym jylǵa sottaldy.
Astanalyq JShS kúdiktilerdiń ústinen qosymsha aryz túsirgendikten bul is boıynsha bólek óndiris ashylyp, hakerler taǵy da sot aldyna shaqyryldy.
