Almatyda «Barshaǵa arnalǵan jatttyǵý» jobasy qolǵa alyndy
ALMATY. 21 maýsym. QazAqparat - Almatyda 23 maýsymnan bastap ár senbide 9.30-da «Barshaǵa arnalǵan jattyǵý» jobasy júzege asyryla bastaıdy.
Almaly saýda ortalyǵynyń jer asty bóliginde jazǵy maýsymda ótetin bul sharany «Fitnation» fıtnes klýbynyń kásibı nusqaýshylary ótkizedi. Oǵan barlyq adam jas ereksheligi men fızıkalyq daıyndyǵyna qaramastan qatysa alady. Ony ««Almaly Treıd» JShS, «Fitnation» fıtnes-klýbtary jelisi men Almaty qalasy ákimi apparatynyń jastar saıasaty jónindegi basqarmasy birlesip uıymdastyrýda.
«Almaly» saýda ortalyǵy qalanyń ortasynda ornalasqan. Onyń jalpy aýmaǵy 25 myń sharshy metrdi quraıdy. Úsh qabatty bul nysannyń eki qabatynda saýda-sattyq, kınoteatr jáne tamaqtaný oryndary bar. Al úshinshi qabatynda 10 myń sharshy metrlik kólik turaǵy ornalasqan.
