Almatyda barlyq saýda ortalyqtarynda sanıtaızer ornatyldy
ALMATY. QazAqparat – Almatydaǵy barlyq saýda ortalyqtaryna, sýpermarketter men metroǵa sanıtaızer ornatyldy, dep habarlaıdy QazAqparat tilshisi.
Almaty qalasynyń Taýarlar men kórsetiletin qyzmetterdiń sapasy men qaýipsizdigin baqylaý departamenti monıtorıng júrgizý arqyly qoǵamdyq oryndarda dezınfektsııalyq zattardyń mindetti túrde bolýyn jiti qadaǵalaýda.
«Dezınfektsııalyq zattardyń adam kóp jınalatyn oryndarda bolýy vırýstyń, onyń ishinde koronavırýstyń aldyn alý bolyp tabylady. Aıta keterligi, departament barlyq mekemelerge, barlyq organdarǵa sanıtaızer ornatý, jeldetý rejımin saqtaý týraly hattar jibergen bolatyn. Ózderińiz bilesizder, jeke gıgıenany saqtamaý vırýstyń enýine sebepker bolady», — dep atap ótti Á. Qalyqova.
Departament basshysynyń orynbasarynyń aıtýynsha, búgingi kúni saýda ortalyqtaryna, sýpermarketterge jáne metroǵa sanıtaızerler ornatylǵan. Sonymen qatar, mektepke deıingi mekeme men mektepterde de bar. Qaladaǵy barlyq uıymdar dezınfektsııalaý zattarymen ózderin qamtamasyz etýde.
Mamandardyń aıtýynsha, sanıtaızer antıseptıgi qoldy vırýstar men mıkrobtardan 99,9%-ǵa qorǵaıdy. Bakterııaǵa qarsy tımol atty komponentke negizdelgen bul quraldyń quramynda spırt, hosh ıistendirgishter men zııandy zattar joq, sondyqtan ol balalarǵa esh qaýip keltirmeıdi. E dárýmeni teri jasýshalarynyń qaıta qalpyna kelýine jáne mıkrozaqymdardyń jazylýyna kómektesedi.
