Almatyda «Barlyq» bazary aýmaǵyndaǵy dúńgirshekter órtendi
ALMATY. QazAqparat - Almatyda «Barlyq» bazarynyń aýmaǵynda órt shyqty, dep habarlaıdy QazAqparat tilshisi.
Órtengen «Barlyq» bazary aýmaǵynda ornalasqan fastfýd dúńgirshekteri bolyp shyqty.
Almaty qalalyq tótenshe jaǵdaılar departamentiniń málimetinshe, saǵat 14:34-te Naýryzbaı aýdany, Almaty - Tashkent tasjoly boıyndaǵy «Barlyq» bazary aýmaǵynda, 40 sharshy metr alańda jumys istemeıtin fastfýd dúńgirshekteri órtendi.
«Saǵat 14:55-te órt sóndirildi. Zardap shekkender bolǵan joq, órttiń sebebi anyqtalýda», - dep habarlady Almaty qalalyq TJD-da.
Eske salsaq, Almatyda «baraholka» bazary mańynan órt shyqqan bolatyn.
