Almatyda «Barhan» dámhanasy órtke orandy
ALMATY. QazAqparat - Almatyda «Barhan» dámhanasy órtke orandy, dep habarlaıdy QazAqparat tilshisi, qalalyq TJD baspasóz qyzmetine silteme jasap.
Órt týraly habarlama 15:27-de túsken. Tilsiz jaýdy 15:48 aýyzdyqtaý múmkin boldy. Órtti sóndirýge 30 adam men 9 tehnıka jumyldyryldy.
Aldyn ala aqparat boıynsha, órt ashanadaǵy aýa sorǵyshtyń isten shyǵýynan bastalǵan.
Órt sóndirýshilerdiń aıtýynsha, ǵımarattyń shatyry órtengen. Mamandar japsarlas ornalasqan nysandardy ottyń sharpýynyń aldyn alýǵa bar kúshin saldy.
Qyzyl jalyn 100 sharshy metr aýmaqty sharpyǵan. Órtten eshkim japa shekken joq.
