Almatyda barak tıptes úı órtenip, birneshe otbasy baspanasyz qaldy
Alapat órttiń vıdeosy áleýmettik jelide tarady.
Qalanyń Tótenshe jaǵdaılar departamentiniń baspasóz qyzmeti málim etkendeı, 2 aqpanda saǵat 00: 14-te «101» kezekshi pýltine Alataý aýdanynda ornalasqan Kıslovodskaıa kóshesi, №13 mekenjaıynda órt shyqqany týraly habarlama túsken.
«Oqıǵa orynyna jetken órt sóndirýshiler barak tıptes karkasty turǵyn úıdiń órtenip jatqanyn anyqtady. Qyzyl jalynyń tez taralýyna janǵysh materıaldan áser etken. Órt ózge ǵımarattarǵa qaýip tóndirmes úshin tıisti sharalar qabyldandy»,-dep habarlady TJD baspasóz qyzmeti.
Qabyldanǵan sharalar nátıjıesinde órt túngi saǵat 01: 30-da tolyq sóndirildi.
Qyzyl jalyndy aýyzdyqtaýǵa jeke quramnyń 61 órtsóndirýshisi men 16 tehnıka jumyldyryldy.
Qutqarýshylardyń aıtýynsha, alty páterdiń tórteýin ottan aman alyp qalǵan.
Qurban bolǵandar men zardap shekkender joq.
