Almatyda «baraholka» órtenip jatyr
ALMATY. QazAqparat - Almatydaǵy «baraholka» bazarynan órt shyqty, dep habarlaıdy QazAqparat tilshisi.
Almaty qalalyq tótenshe jaǵdaılar departamentiniń málimetinshe, 11 qarasha kúni saǵat 10:56 shamasynda órt sóndirýshiler Jetisý aýdany Soltústik aınalma tasjoly, 7 mekenjaıyna joǵary dárejedegi shaqyrtýǵa shyqqan.
«Kólik keptelisine qaramastan órt sóndirýshiler oqıǵa ornyna 8 mınýtta keldi. Olar birneshe konteınerdiń otqa oranǵanyn anyqtady. Dereý órt sóndirýge kirisip, gaz-tútinnen qorǵaý qyzmeti adamdardyń bar-joǵyna barlaý júrgizdi. Jaǵdaı baqylaýda, beınebaqylaý kameralary arqyly qalanyń ózara is-qımylynyń búkil kúsh-quraldary oqıǵa ornyna baǵyttalǵan»,- dep habarlady vedomstvodan.
Eń jaqyn órt gıdranttary 25 metr qashyqtyqta ornalasqan, sý úzdiksiz jetkizilip jatyr.
