Almatyda banktiń stajer-keńesshisi klıentterdiń shotynan aqsha urlaǵan
ALMATY. QazAqparat - Almatyda banktiń stajer-keńesshisi klıentterdiń shotynan aqsha sheship alǵan, dep habarlaıdy QazAqparat tilshisi.
Almaty qalalyq polıtsııa departamentiniń málimetinshe, alaıaqtyq áreket jasaǵany úshin 22 jastaǵy I.esimdi jas qyz ustaldy. Ol ekinshi deńgeıli bankterdiń biriniń klıentterin aldaǵan.
« Kúdiktiniń qylmystyq nıetpen bankke stajer- keńesshi bolyp jumysqa ornalasqany anyqtaldy. Onyń fýnktsıonaldyq mindetine klıentterdiń smartfondaryna mobıldi qosymshany ornatýǵa jáne olardyń bank kartalaryn resýrsqa qosýǵa kómektesý kiredi. Boıjetken keıbir klıenttiń kamerasy beıne tekserýdi qoldamaıtynyn alǵa tartyp, olarǵa óz smartfony arqyly jeke kabınetter ashqan. Sol arqyly paıdalanýshylardyń jeke derekterin skrınshottap alǵan. Sodan keıin ol klıentterdiń jeke derekteri men qupııa sózin paıdalanyp, qosymshaǵa kirip, olardyń shottarynan aqsha sheship alǵan. Kóbine aqshany úshinshi adamdardyń kartasyna aýdarǵan», – dedi Almaty qalalyq PD Krımınaldyq polıtsııa basqarmasynyń bastyǵy Qýatbek Naýatov.
Kúdiktige qatysty QR QK-niń 190-babynda (Alaıaqtyq) kózdelgen qylmys boıynsha qylmystyq is tergelýde.
Onyń basqa da zańsyz áreketterge qatysy bar-joǵy tekserilip jatyr.
