Almatyda bankterdiń keı bólimsheleri, saýda ortalyqtary men kınoteatrlar jabyq

ALMATY. QazAqparat - Almatyda terrorıstik qaýiptiń qyzyl deńgeıiniń engizilgenine baılanysty ekinshi deńgeıli bankterdiń keı bólimsheleri, saýda ortalyqtary men kınoteatrlar jabyldy.

Kaspi Bank habarlaǵandaı, Almatyda  klıentter men qyzmetkerlerdiń qaýipsizdigi úshin barlyq bólimsheler jabyq.  Sonymen qatar, «Astana Bankiniń» keı bólimsheleri ýaqytsha jabyldy, kartalardy jetkizý ýaqytsha toqtatyldy.  «Qazkommertsbanktiń» ál-Farabı kóshesindegi bas keńsesinen basqa barlyq bólimsheleri keshke deıin jabyq bolady. Sondaı-aq,  «Halyq banki» AQ barlyq bólimsheleri jabyq. 

Qalada  «Mega Tsentr», «Esentaı moll» saýda ortalyqtary, Dostyk Plaza SOSO, «Almaly» SOSO, Silk Way SO, «Tehnodom» dúkeniniń barlyq jelileri, qala ortalyǵyndaǵy kınoteatrlar jabyq. Azyq-túlik dúkenderi, keı valıýta aıyrbastaý oryndary jabyq.

Búgin Almatyda belgisiz bireýler qalanyń birneshe aýdanynda oq ata bastady. Polıtseıler men belgisiz adamdar arasynda atys boldy. Qalalyq ІІD aqparatynsha,  polıtseıler arasynda qaza tapqandar bar. Shabýyl jasaǵandardyń biri ustaldy. Bireýi izdestirilýde. Qalada terrorıstik qaýiptiń qyzyl deńgeıi jarııalandy.