Almatyda bankterdiń biriniń klıentine shabýyl jasaldy
ALMATY. QazAqparat - Adamǵa shabýyl jasaý Markov jáne Baıtursynov kósheleri aralyǵynda Tımırıazev kóshesiniń boıyndaǵy «Alataý Grand» bıznes-ortalyǵynyń mańynda boldy, dep habarlady «QazAqparat» HAA tilshisi.
«BAQ-ta paıda bolǵan Almaty qalasy Tımırıazev kóshesi 28 «V» mekenjaıy boıynsha VTB bankinde (Qazaqstan) klıentke jasalǵan shabýyl týraly aqparatqa baılanysty aıtar bolsaq, banktiń barlyq bólimsheleri qaýipsizdiktiń kúsheıtilgen sharalarymen shtattyq rejımde jumys isteýde. «Alataý Grand» bıznes-ortalyǵynan shyqqan adamǵa shabýyl VTB (Qazaqstan) banki bólimshesinen tys jerde boldy», - dep habarlady banktiń baspasóz qyzmeti. Banktiń aqparaty boıynsha qazirgi ýaqytta osy oqıǵa boıynsha jedel-tergeý is-sharalary júrgizilýde. Qajet bolǵan jaǵdaıda banktiń qaýipsizdik qyzmeti quqyq qorǵaý organdaryna jan-jaqty kómek kórsetedi. «Bolǵan oqıǵa boıynsha tolyq aqparatty quqyq qorǵaý organdary jedel-tergeý is-sharalaryn ótkizgennen keıin usynatyn bolady» - dep eskertti VTB. 
Foto Informburo.kz
