Almatyda bankke urlyqqa túsken er adam ustaldy
ALMATY. QazAqparat - Almatyda bank bólimshesine qaraqshylyq shabýyl jasady degen kúdikpen er adam ustaldy, dep habarlaıdy QazAqparat tilshisi.
Qalalyq ІІD baspasóz qyzmetiniń málimdeýinshe, 21 jastaǵy jigit Talǵar aýdanynyń týmasy.
«Keshendi izdestirý sharalary nátıjesinde tergeý toby kúdikti adamdy ustady. Qazir odan jaýap alynýda. Qajetti protsessýaldyq protsesterden soń, ol QR QK-niń 128-babyna sáıkes ІІD-niń ýaqytsha oqshaýlaý ornyna qamalady. Atalmysh er adamnyń buǵan deıin keńselerge 4 ret urlyqqa túskeni anyqtaldy. Qazir onyń basqa da qylmystarǵa qatysy bar-joǵy tekserilip jatyr», - dedi Medeý aýdandyq ІІB polıtsııa bóliminiń basshysy Batyrhan Bekqulıev.
Aıta ketý kerek, osydan eki kún buryn Raıymbek dańǵylynda ornalasqan ekinshi deńgeıli bankterdiń biriniń bólimshesine belgisiz adam qaraqshylyq shabýyl jasamaq bolǵan edi . Ol bank múlkine qol suǵa almady.
