Almatyda bank tonaǵandar ustaldy
ASTANA. QazAqparat - Almatyda bank tonaǵandar ustaldy. Bul jaıynda QR Іshki ister mınıstrligi Memlekettik til jáne aqparat departamentiniń dırektory Almas Sadýbaev málim etti, dep habarlaıdy QazAqparat.
«27 maýsymda Almatydaǵy bankterdiń biriniń bólimshesine qaraqshylyq shabýyl jasaldy. Belgisiz adam bank qoımasyna kirip, tapanshaǵa uqsas qarýmen qorqytý arqyly 65 mln. 300 teńge somasyndaǵy qarjyny alyp ketken edi. Keshendi jedel izdestirý sharalary barysynda atalǵan qarjy mekemesiniń burynǵy jáne qazirgi qyzmetkerleri ustaldy. Sońǵysy jón silteýshi qyzmetin atqarǵan. Ustalǵandardan pnevmatıkalyq tapansha, elektrondy ruqsatnama jáne urlanǵan aqsha tolyq kólemde alyndy», - dedi Almas Sadýbaev QazAqparat tilshisine.
