Almatyda bank qyzmetkeri joǵalyp ketti
ALMATY. QazAqparat - Almatyda iz-túzsiz joǵalyp ketken bank qyzmetkerin dostary men jaqyndary izdestirýde.
«3 qyrkúıek kúni bizdiń áriptesimiz jáne óte jaqsy adam joǵalyp ketti, osy jazbany barynsha bólisýlerińizdi suraımyn! Aty-jóni: Rozıev Nurshat. Ol turǵan úı órtenip ketken, aýlasynda kóligi joq, kóliginiń markasy Nissan Premiera, qara kók tústi. Úıindegi eki teledıdar da joq. Eger ony kórgen-bilgen jan bolsa, habarlasýlaryńyzdy suraımyz. Anasy: +7 747 064 1506, baýyry: +7 778 142 7235. Álmerek aýyly», - delingen áleýmettik jelidegi jazbada.
«QazAqparat» Almaty oblysynan kelip, polıtsııaǵa aryz jazǵan Nurshattyń anasymen tildesti.
«Nurshat Álmerek aýylynda, áýejaı jaqta turdy. Óziniń kishigirim úıi boldy. Senbi kúni keshke úıinde bolǵan. Túngi on ekide ony kórgender bar. Kóligimen bir jaqqa ketken shyǵar, keler dep oıladyq. Nurshat bankterdiń birinde jumys isteıdi, jumysy óte jaýapty. Dúısenbi kúni jumysyna keledi dep úmittendik. Qyzmettesteri Nurshattyń jumysqa shyqpaǵanyn aıtty, bárimiz polıtsııaǵa baryp, aryz jazdyq», - deıdi joǵalǵan jigittiń anasy.
