Almatyda bank ǵımaratyna «jarylǵysh zat qoıǵan» kúdikti izdestirilýde - qalalyq ІІD
ALMATY. QazAqparat - Almatyda bank ǵımaratyna «jarylǵysh zat qoıǵan» kúdikti izdestirilýde. Bul týraly qalalyq ІІD baspasóz qyzmeti habarlady.
Bankke jarylǵysh zat qoıylǵany týraly habarlama túsken soń qalalyq ІІD jedel áreket etý qyzmetteri, «Arlan» arnaıy jasaǵynyń jigitteri men kınologtar komıssıondyq tekserý júrgizdi.Tekserý nátıjesinde jarylǵysh zat tabylmady. «Almaly aýdanynyń ІІB negizinde qurylǵan izdestirý tobymen qazir sotqa deıingi tekserý bastalyp ketti. Keıin QR QK 273 baby - lańkestik akt jaıly jalǵan habar taratý boıynsha qylmystyq is qozǵalady. Polıtsııa qyzmetkerleri qazir habarlama taratqan adamdy izdestirýmen aınalysýda», - qalalyq ІІD resmı ókili Saltanat Ázirbek. Aıta ketý kerek, kúndiz Almaly aýdanynda ornalasqan 5 qabatty ǵımarattan barlyq jumyskerler qaýipsiz jerge kóshirilgen bolatyn. Jol-patrýldik polıtsııa qyzmetkerleri aımaqty qorshaýǵa aldy.
