Almatyda bank bankomatynan 19 mln teńge urlaǵandar ustaldy
ASTANA. 20 shilde. QazAqparat /Marlan Jıembaı/ - Almatyda bank bankomatynan 19 mln. teńge urlaǵan urylar ustaldy. Bul týraly búgin elordada QR ІІM Memlekettik til jáne aqparat departamentiniń basshysy Nurdildá Oraz málim etti.
N.Orazdyń aıtýyna qaraǵanda, mamyr aıynyń sońynda Almaty qalasynyń polıtsııasyna ekinshi deńgeıdegi banktiń bankomatynan 19 mıllıon teńge urlanǵany týraly habar kelip túsken. Bankomat turǵan ǵımarattyń esigi kiltterdi sáıkesteý arqyly, al bankomattyń temir esigi - elektr aramen ashylǵany anyqtalǵan.
«Tergeý jáne jedel izdestirý is-sharalar kesheni barysynda qylmysty jasaǵan kúdikti retinde Almaty oblysynyń eki turǵyny qolǵa tústi. Onyń bireýi buryn osy banktiń kúzetshisi bolǵany anyqtalyp otyr», - dedi ol.
