Almatyda balkon jylylaıtyn «maman» ustaldy
ALMATY. QazAqparat - Almatyda balkon jylylaımyn dep eldi aldaǵan er adam ustaldy, dep habarlaıdy QazAqparat tilshisi.
Qalalyq ІІD baspasóz qyzmetiniń habarlaýynsha, 30 jastaǵy er adam balkondardy jylylaý, áınek salý jumystaryn oryndaý úshin turǵyndardan aldyn ala tólem alyp otyrǵan.
Polıtsııada naqtylaǵandaı, ol jóndeý jumystarymen eshqashan aınalysyp kórmegen.
«Búgingi tańda onyń 18 qylmystyq epızodqa qatysy bary anyqtaldy. Japa shekken turǵyndardyń shyǵyny 1 mln teńgeden asady. Bul adamnyń áreketinen japa shekken adamdar bolsa, 254-47-00; 254-47-01, 254-47-03 nómirlerine habarlassa bolady», - dedi Bostandyq aýdandyq ІІB basshysy Dáýren Ýtebaev.
Kúdikti buryn da osy tektes qylmysy úshin jaýapkershilikke tartylǵan.
Illıýstratsııalyq foto
