Almatyda Balqashty saqtap qalý máselesine arnalǵan halyqaralyq konferentsııa bastaldy

Sharany BUU-nyń Damý baǵdarlamasy men Eýrodaqtyń «Ortalyq Azııadaǵy shakaraaralyq dıalogy men sý resýrstaryn yqpaldy basqarýǵa yqpaldasý» atty birlesken baǵdarlamasy QR Aýyl sharýashylyǵy mınıstrliginiń Sý resýrstary komıteti, Eýrodaq, EQYU-nyń Astanadaǵy keńsesi men Densaýlyq pen ekojobalaýdy kúzetý qyzmeti ortalyǵynyń qoldaýymen uıymdastyrǵan. QR Aýyl sharýashylyǵy mınıstrliginiń Sý resýrstary komıteti tóraǵasynyń keńesshisi, jobanyń ulttyq menedjeri Ámirhan Kenshimovtyń aıtýynsha sharanyń basty maqsaty - Іle men Balqash ózenderiniń sý resýrstaryn paıdalaný men kúzetý máselelerin talqylaý, odan ary qaraı damytý tetikterin qarastyrý.

Kezdesýde negizinen Qazaqstan men shekaralas elder arasyndaǵy yntymaqtastyǵynyń quqyqtyq máseleleri, ózen sýlaryn paıdalanýda zamanaýı tehnologııalardy paıdalaný, Balqash-Іle basseıniniń ekologııalyq problemalary negizgi áńgime ózegine aınalmaq. Sondaı-aq eń negizgi másele retinde «Balqashty saqtap qalýǵa bola ma?» taqyryby talqylanýda. Sharaǵa Qazaqstan, Qyrǵyzstan men Qytaıdyń sý sharýashylyǵy salasy mamandary, ǵalymdar men sarapshylar, halyqaralyq uıymdardyń ókilderi qatysýda.