Almatyda balasyn aldyna otyrǵyzyp kólik júrgizgen áıel aıyppul tóleıdi

ALMATY. QazAqparat – Almatyda balasyn aldyna alyp kólik júrgizgen áıel ákimshilik jaýapqa tartyldy, dep habarlaıdy QazAqparat tilshisi.

Jelide bir balany aldyna alyp, ekinshisin aldyńǵy oryndyqqa otyrǵyzyp, qaýipsizdik beldigin taqpaı kólik júrgizgen áıeldiń vıdeosy tarady.

Almaty polıtsııasy ol áıeldi anyqtap, ákimshilik jaýapqa tartqanyn habarlady.

Almaty qalalyq polıtsııa departamenti jergilikti polıtsııa basqarmasynyń málimetinshe, 1982 jyly týǵan Sh. esimdi áıel Toyota markaly avtokóligin júrgizgen.

«Kólik quralyn júrgizgen qolynda jas balalary bar azamatsha ÁQBtK-niń 593-babynyń 1-bóligi jáne 593-babynyń 2-bóligi boıynsha jaýapqa tartyldy. Sondaı-aq oǵan jalpy 10 AEK somasynda aıyppul salyndy. Júrgizýshimen mundaı quqyq buzýshylyqtardyń aldyn alý týraly quqyqtyq túsindirme áńgime júrgizildi», - dep habarlady qalalyq polıtsııa departamenti.