Almatyda balasymen joldan ótip bara jatqan áıeldi kólik qaǵyp ketti
ALMATY. QazAqparat - Almatyda jaıaý júrginshiler jolynan balalar arbasymen ótip bara jatqan áıeldi kólik qaǵyp ketti, dep habarlaıdy QazAqparat tilshisi.
Qalalyq polıtsııanyń málimetinshe, apat 4 aqpan kúni bolǵan.
«Keshe saǵat 14.30 shamasynda «Toyota Camry» avtokóliginiń júrgizýshisi Gandı men Jeltoqsan kóshesimen qıylysynda solǵa buryla berip, joldan ótip bara jatqan jas ana men sábı jatqan arbany qaǵyp ketti», - dedi Almaty qalasy Polıtsııa departamentiniń anyqtaý bóliminiń bastyǵy Oljas Sháripov.
1989 jyly týǵan azamatsha men onyń nárestesine medıtsınalyq kómek kórsetilip, aýrýhanaǵa jatqyzyldy.
Atalǵan derek boıynsha Bostandyq aýdandyq polıtsııa basqarmasy tergeý amaldaryn júrgizip jatyr.
