Almatyda balasymen birge qaıyr tilegen ózbekstandyqtar ustaldy
ALMATY. QazAqparat - Almaty kóshelerinde balasyn ustap júrip qaıyr tilegen Ózbekstannyń úsh azamatshasy ustaldy, dep habarlaıdy QazAqparat tilshisi.
30, 26, 21 jastaǵy áıelder Qazaqstanda júrýine quqyǵy joq bolyp shyqty. Olar QR Kóshi-qon týraly zańnamasyn óreskel buzyp kelgen.
Qalalyq Polıtsııa departamentiniń baspasóz qyzmeti habarlaǵandaı, bul zańbuzýshylyqtar «Demalys» aptalyǵy kezinde anyqtaldy.
Áıelder Seıfýllın men Gogol kósheleriniń qıylysyndaǵy jerasty ótpeli jolynda ańyzaq jerde balalaryn qushaqtap otyrǵan.
«Áıelder QR ÁqbK 449-baby boıynsha ákimshilik jaýapkershilikke tartyldy. Olar Qazaqstanda kóshi-qon zańnamasyn óreskel buzyp kelgen. Onymen qoımaı kishkentaı balalaryn asa úlken qaterge tigip kelgen», - dedi Polıtsııa departamentiniń Jergilikti polıtsııa qyzmetiniń ókili Leıla Álipbaeva.
«Demalys» aptalyǵy kezinde tártip saqshylary balalardyń quqyǵyna qarsy jasalǵan is-áreketterge reıd jasap jatyr.
Atap aıtqanda, keshe Helloýın túninde ata-anasynyń qaraýynsyz júrgen 105 bala bólimshege jetkizildi. 96 ata-ana balalaryn baqylaýsyz jibergeni úshin ákimshilik jaýapkershilikke tartyldy.
