Almatyda balanyń saý kózine operatsııa jasaǵan dárigerlerdiń isi boıynsha tekserý bastaldy

ALMATY. QazAqparat - Almatylyq kelinshek balasynyń oń kózine jasalýy tıis operatsııany onyń sol kózine jasady dep dárigerlerdiń ústinen shaǵym túsirdi. Osyǵan oraı qalalyq polıtsııa tekserýdi bastady, dep habarlaıdy QazAqparat tilshisi.

Almaty qalalyq polıtsııa departamenti atalǵan fakti Bostandyq aýdandyq polıtsııa basqarmasynda tirkelgenin málim etti.

«Óndiristik materıaldar tekserý úshin Almaty qalasy boıynsha taýarlar men qyzmetterdiń sapasy men qaýipsizdigin baqylaý departamentine jiberildi. Іs boıynsha sot-medıtsınalyq saraptama taǵaıyndalatyn bolady»,- dep habarlady polıtsııadan.

Aıta keteıik, bul týraly qazaqstandyq bloger Aıdyn Toqsanbaeva áleýmettik jelidegi paraqshasynda aıtty.

«Balammen birge Manas, 40 mekenjaıynda ornalasqan «Balalar shuǵyl medıtsınalyq ortalyǵyna» kvota arqyly kózine operatsııa jasatý úshin jattym. Onyń oń kózinde kısta bolǵan. Ol keıin túsip qaldy. Dárigerler túbinde tamyry qalyp ketti, sony alý kerek dedi. Kvotamen kelip otyrmyz. Keshe túnnen bastap eshteńe jegizbeı, ishkizbeı, tańerteń balany alyp ketti. Endi oń kózine jasalýy kerek bolǵany otany sol kózine jasap ákelip tur», – – deıdi Aıdyn Toqsanbaeva.

Keıin Almaty qalalyq densaýlyq saqtaý basqarmasynyń ókilderi osy jaǵdaıdy túsindirdi.