Almatyda balany urǵan kútýshige qatysty is qozǵaldy
ALMATY. QazAqparat – Áleýmettik jelide kishkentaı sábıdi kútýshisiniń uryp jatqany túsirilgen vıdeo tarady. Almatylyq polıtseıler osy áreket boıynsha qazir is qozǵady, dep habarlaıdy QazAqparat.
«Almaty qalasynyń Polıtsııa departamenti kútýshiniń kishkentaı balany urý áreketin aýmaqtyq bóligi boıynsha Áýezov aýdanynyń polıtsııa basqarmasy tergep jatqanyn habarlaıdy»,-delingen departamentiniń baspasóz qyzmeti taratqan aqparatta.
Tártip saqshylarynyń habarlaýynsha, istiń-mán-jaıy anyqtalǵan soń 1981 jyly týǵan A. atty áıeldiń áreketine quqyqtyq baǵa beriledi. Odan ári oǵan qatysty zań boıynsha tıisti sharalar qoldanylatyn bolady.
Aıta keteıik, osyǵan deıin Almatyda kútýshiniń 1,5 jasar sábıdi uryp-soqqany jasyryn kameraǵa túsip qalǵany habarlandy.
Danııar Dáýitalıev
