Almatyda balany qaǵyp, taıyp turǵan Neksııa júrgizýshisi ustaldy

ALMATY. QazAqparat - Almatyda balany qaǵyp, taıyp turǵan Neksııa júrgizýshisi qolǵa tústi. Bul týraly qalalyq ІІD baspasóz qyzmeti habarlady.

Oqıǵa ótken juma kúni Áýezov pen Qabanbaı kósheleriniń qıylysynda oryn alǵan bolatyn.

Jol-kólik oqıǵasy týraly vıdeotirkegishtegi beınerolıkti Youtube Nureke Abeno esimdi qoldanýshy salǵan.

Beınerolıkte balanyń ornynan tura sala qasha jónelgeni túsip qalǵan. Oqıǵa ornynda sál bógelgen júrgizýshi syrtqa shyqpastan ári adamdardyń aıtqanyn tyńdamastan taıyp turdy.
«Іzdestirý jumystarynyń arqasynda 33 jastaǵy er adam ustaldy. Ol Almaly aýdandyq ІІB QR ÁqK 610-babynyń 2-bólimimen, 611-babynyń 2-bólimimen ákimshilik jaýapkershilikke tartyldy. Balanyń densaýlyǵyna keltirilgen zardapty anyqtaý úshin sot-medıtsınalyq saraptama taǵaıyndaldy», - dedi qalalyq ІІD jergilikti polıtsııa qyzmetiniń izdeý bóliminiń basshysy Erik Nasyrbekov.