Almatyda balany qaǵyp ketken patrýlge qatysty tekserý sharalary bastaldy
ALMATY. QazAqparat - Almatyda jol-patrýl polıtsııasynyń kóligi 10 jastaǵy balany qaǵyp ketti, dep habarlaıdy «QazAqparat» tilshisi.
ІІD baspasóz qyzmetiniń habarlaýynsha, jol-kólik oqıǵasy búgin Jangeldın kóshesinde bolǵan. Ákimshilik polıtsııa basqarmasynyń arnaıy batalon ekıpajy jol erejesin buzyp, qoǵamdyq kólikke arnalǵan jolaqpen qashqan júrgizýshini ustamaq bolǵan.
«Polıtsııa kóligi dabyl belgisin qosyp júrgen. Ókinishke oraı, qyzmettik kólik júrgizýshisi kólik róline ıe bola almaı, 2007 jyly týǵan jaıaý júrginshini qaǵyp ketti. Polıtsııa qyzmetkerleri balany jaqyn mańdaǵy medıtsınalyq ortalyq jedel jetkizdi. Dárigerler balanyń aıaǵy synǵan degen dıagnoz qoıdy», - dedi ІІD baspasóz qyzmetinen.
Jol-kólik oqıǵasy boıynsha anyqtaý sharalary bastaldy. Sonymen qatar, polıtsııa qyzmetkerlerine qatysty qyzmettik tekseris júrgizilip jatyr.
