Almatyda balany emhanaǵa onlaın tirkeý múmkindigi qosyldy
ALMATY. QazAqparat - Almaty turǵyndary endi balalardy emhanaǵa egov.kz portalyndaǵy Telegram-bot kómegimen onlaın tirkeı alatyn boldy, dep habarlaıdy QazAqparat tilshisi.
Atalǵan qyzmetti engizip otyrǵan «Ulttyq aqparattyq tehnologııalar» AQ habarlaýynsha, ol úshin adamdarǵa egov.kz portalynda tirkelý kerek jəne elektrondy tsıfrlyq qoltańba bolýy qajet.
Sonymen qatar, 2007 jyly týǵan balalardy onlaın tirkeý múmkin emes.
Eń aldymen qoldanýshy «Densaýlyq» bóliminde alǵashqy medıtsınalyq-sanıtarlyq kómek kórsetetin uıymdy, artynan balalarǵa qyzmet degen pýnktti tańdaıdy.
Júıege balanyń JSN-ni teriledi de, aqparat AHAJ bólimine týystyq qatynasty anyqtaýǵa jiberiledi. Budan soń onlaın ótinish jazylady. Onda medıtsınalyq uıym men ýchaskelik dáriger tańdalady.
Kóp uzamaı turǵynnyń jeke kabınetinde atalǵan ótinishtiń qabyldanǵany bolmasa qabyldanbaǵany belgili bolady.
Aıta ketý kerek, Qazaqstanda halyqty emhanalarda tirkeý naýqany jalǵasyp jatyr. Azamattarǵa 15 qarashaǵa deıin turǵylyqty mekenjaıy boıynsha emhanalarǵa tirkelý mindetteledi.
Alǵashqy 5 aptada Almatyda 16 myń turǵyn emhanalarǵa tirkelip úlgerdi.
Osyǵan deıin 2019 jyly medıtsınalyq qyzmet tolyǵymen elektrondy formatqa kóshedi.
