Almatyda «Balalyq shaqtan saýlyǵyńdy saqtaýdy úıren» uranymen balalarǵa arnalǵan merekelik shara ótti
ALMATY. 1 maýsym. QazAqparat /Ádilet Musahaev/ - Búgin Balalardy qorǵaýdyń halyqaralyq kúnine oraı Almatynyń Ortalyq stadıonynda «Balalyq shaqtan saýlyǵyńdy saqtaýdy úıren» uranymen balalarǵa arnalǵan merekelik shara ótti.
Ortalyq stadıonnyń dırektory, qalalyq máslıhattyń depýtaty Oleg Pechenıktiń bastamasymen ótip jatqan sharaǵa Almaty qalasy Bostandyq aýdanynda turatyn áleýmettik jaǵdaıy tómen otbasylardyń 25-ke jýyq balalary qatysýda. Olar sporttyq oıyn túrlerinen saıystarǵa túsip, uıymdastyrýshylar atynan kóptegen syılyqtarǵa e boldy.
«Balalar kúnin atap ótý men úshin dástúrge aınaldy. Olardy tek quttyqtap qana qoımaı, búldirshinderge sporttyq jaǵynan nazar aýdarýdamyn. Qalalyq máslıhat depýtattarynyń ishindegi sport salasynan shyqqan adam bolǵandyqtan meniń baǵdarlamamnyń barlyǵy osy sport jaǵyna baǵyttalǵan», -deıdi O.Pechenık.
Depýtat sondaı-aq Bostandyq aýdanyndaǵy 3 balabaqshany aralap, búldirshinderdi búgingi aıtýly kúnderimen quttyqtap, balalardy tárbıelep jatqan osy mekemelerge birshama sporttyq buıymdardy syılady.
