Almatyda balaly áıelge shabýyl jasaǵan er adamǵa izdeý jarııalandy
ALMATY. QazAqparat – Almaty polıtsııasy arbamen bala súıretken áıeldi tapa-tal túste tonap ketken er adamdy izdep jatyr, dep habarlaıdy QazAqparat tilshisi.
«Bul qylmys boıynsha QR QK 191-babynyń 2-bóligine sáıkes is qozǵaldy. Jetisý aýdandyq polıtsııa basqarmasy 11 qyrkúıekte kishkentaı balasy bar 28 jastaǵy áıeldi tonap ketken azıat er adamǵa izdeý salady. Kúdikti shamamen 28-30 jasta. Boıy - 170-175 sm. Ústine aq jolaqtary bar kók tústi keýdeshe, qara sporttyq shalbar, aıaǵyna kók tústi krossovka, basyna aq kepka kıgen»,- dep habarlaıdy Almaty qalalyq PD.
Polıtsııa osy adamdy kórgen nemese tanıtyn jandar bolsa, myna telefon nómirlerine habarlasýyn ótinedi: 254-49-01; 254-49-02; 254-49-06; 8-702-870-06-95; 8-708-952-55-94 nemese 102.
Eske salaıyq, atalmysh oqıǵa Saıahat mańyndaǵy aýladaǵy kameralardyń birine túsip qalǵan. Bul vıdeo áleýmettik jelide tarady. Jábirlenýshiniń aıtýynsha, er adam onyń moınyndaǵy altyn alqasyn julyp áketken.
