Almatyda balalaryn óltirmek bolǵan áıelge qatysty tergeý júrip jatyr – polıtsııa
NUR-SULTAN. QazAqparat – Almatyda óz balalaryn óltirýge árekettengen áıelge qatysty istiń mán-jaıy anyqtalyp jatyr, dep habarlaıdy QazAqparat tilshisi.
Facebook qoldanýshysy paraqshasynda óz balalaryn óltirýge áreket jasaǵan áıel týraly jazba jarııalady.
Jazbada aıtylǵandaı áıeldiń óz balalaryna shabýyl jasaýy buǵan deıin de bolǵan. Balalardy jaqyn mańda ketip bara jatqan adamdar qutqaryp qalypty.
Sondaı-aq, jelidegi jazbada balalardyń ákesi jaqsy adam ekeni jáne óz balalaryna qastandyq jasaýǵa umtylǵan áıeldi emdeý kerektigi aıtylady.
Atalǵan jaıtqa qatysty Almaty qalasy polıtsııa departamenti istiń qolǵa alynǵanyn habarlady.
«Qazir Áýezov aýdany polıtsııa basqarmasy atalǵan fakti boıynsha tergeý júrgizip jatyr. Oqıǵanyń mán-jaıy anyqtalýda», - delingen qalalyq polıtsııa taratqan habarlamada.
Eske sala ketsek, bıyl Túrkistan oblysynyń turǵyny 6 jasar balasyn baltalap óltirgen edi.
Sot úkimimen balasyn óltirgen ákege 15 jyl bas bostandyǵynan aıyrý jazasy taǵaıyndaldy.
