Almatyda «Balalarymyzdy qorǵaıyq» atty aktsııa ótýde
Osy is-shara arqyly qoǵam nazaryn balalardyń máselesine aýdarǵymyz keldi, dep atap ótti Halyqaralyq adam saýdasy qurbandaryn eske alý jáne onymen kúres kúnine arnalǵan aktsııa barysynda balalardyń quqyǵyn qorǵaý jónindegi qalalyq departamenttiń dırektory Sáýle Beketova.
Atalǵan sharany Qazaqstandaǵy daǵdarys ortalyǵy odaǵy jáne Almaty qalasynyń balalar quqyǵyn qorǵaý departamenti uıymdastyrýda.
Uıymdastyrýshylardyń aıtýynsha, aktsııanyń maqsaty - qoǵam nazaryn adam saýdasy máselesine aýdartý, qala turǵyndaryn bul máselemen aqparattandyrý, adam saýdasyna jol bermeý bolyp tabylady.
Aktsııa barysynda «Tańsári» shoý toby óner kórsetip, adam saýdasy qurbandaryn eske alý maqsatynda áýe sharlary ushyryldy. Barlyq qatysýshylarǵa aqparattyq materıaldar, 11616 jedel telefon nómiri jazylǵan qalamdar men kúntizbeler taratyldy.
Halyqaralyq adam saýdasy qurbandaryn eske alý jáne onymen kúres kúni 1971 jyly ıÝNESKO-nyń atqarýshy keńesiniń 150-shi sessııasyndaǵy usynys boıynsha jyl saıyn 23 tamyzda atalyp ótilýde.
BUU-nyń deregine qaraǵanda, jyl saıyn mıllıondaǵan adam, ásirese áıelder men balalar qorlyq pen aldaýdyń qurbanyna aınalyp, «tiri taýarǵa» aınalady eken.
