Almatyda balalarǵa jarmasyp, mazasyn alǵan buzaqy psıhıatrııalyq aýrýhanaǵa jatqyzyldy
ALMATY. QazAqparat - Almatyda balalarǵa jarmasyp, mazasyn alǵan buzaqy psıhıkalyq densaýlyq ortalyǵyna jatqyzyldy. Bul týraly búgin «QazAqparat» tilshisine Almaty qalalyq ishki ister departamentinen habarlady.
«Ol ustaldy. «Buzaqylyq» baby boıynsha qylmystyq is qozǵaldy jáne Kablýkov kóshesi boıyndaǵy psıhıkalyq densaýlyq ortalyǵyna jatqyzyldy. Bizdiń bilýimizshe, oqıǵa ornynda seksýaldy sıpattaǵy áreketter bolmaǵan. Biraq, tekserý barysynda basqa da derekter anyqtalýy múmkin. Qazir odan jaýap alynyp jatqan joq. Emdelip shyqqan soń ǵana odan jaýap alýǵa bolady. Sondyqtan, ázirge basqa eshteńe aıta almaımyz», - dedi depertamentten.
Esterińizge sala ketelik, buǵan deıin 26 tamyzda kýágerler Tastaq-1 shaǵynaýdanynda boljaldy pedofıldiń ustalǵany jaıly habarlaǵan bolatyn. Olardyń aıtýynsha, kúdiktini turǵyn úıdiń turǵyndary ustap alǵan.
«Bul oqıǵa «Tastaq-1» shaǵynaýdanynda boldy. Bul jerde birneshe ǵana turǵyn úı bar. Men balkonǵa shyǵyp qarasam, bir er adam ekinshi er adamdy qýyp bara jatyr eken. Artynsha tóbeles bastaldy. Sodan ulym ekeýmiz syrtqa júgirip shyqtyq. Turǵyndar ony ustap alyp, jerge jatqyzyp qoıypty. «Ne boldy?» - dep surap edim, sóıtsem ol balalarǵa tıisipti. Jynystyq organyn kórsetkenge uqsaıdy. Kire beriste bir kishkentaı qyzdy ózine tartypty. Muny kórip qalǵan kórshi áıel aıqaılaı bastaǵan. Basqa kórshi adam úıden júgirip shyǵyp, ony qýyp júrip ustap alǵan», - dedi kýáger ıÝlııa Shapovalova.
Budan keıin, ony shuǵyl jetken polıtsııa qyzmetkerleri alyp ketken.
