Almatyda balalarǵa shańǵymen syrǵanaýdy tegin úıretedi
ALMATY. QazAqparat – Almatyda balalarǵa taý shańǵysymen syrǵanaýdy tegin úıretetin boldy, dep habarlaıdy QazAqparat tilshisi qala ákimdigine silteme jasap.
«Almaty sporty» áleýmettik jobasy aıasynda taý shańǵysymen syrǵanaýdy tegin úıretý úshin 10 jastan 12 jasqa deıingi balalar qabyldanady. Oqytý 2-31 jeltoqsan aralyǵynda ótedi.
«Ár balaǵa kásibı nusqaýshylar tórt sabaqtan ótkizedi. Sabaq eki aýysymda, 60 mınýt boıy júredi. Birinshi aýysymnyń sabaǵy - saǵat 8:00-de, ekinshisi - saǵat 14:00-de bastalady. Uıymdastyrýshylar tarapynan shańǵy kýrortyna deıin aparatyn kólik jáne qajetti zattar (shańǵy, taıaqtar, báteńke, shlemder) usynylady» delingen ákimdik habarlamasynda.
Tirkeý Bógenbaı batyr, 66 mekenjaıynda, almatysporty.kz saıtynda nemese info@arnage.kz elektrondy poshtasy jáne +7 (707) 245 7255 WhatsApp nómiri arqyly júrgiziledi.
Qujattar tizimi:
- ata-analardyń jeke kýáliginiń jáne balanyń týy týraly kýáliginiń kóshirmeleri (2 kóshirmeden);
- otbasynyń áleýmettik mártebesi týraly (bolsa) anyqtamalar, qujattar (kópbalaly, az qamtylǵan);
- naqty turatyn mekenjaıy, baılanys telefony;
- balanyń mektepke qaı aýysymda baratynyn kórsetý qajet.
